Undirstöður vellíðunar er heilsdagsviðburður þar sem við gefum okkur tíma til að tengjast því sem styður við vellíðan okkar í grunninn: líkamanum, næringunni, tengslunum og náttúrunni.

Vellíðan þarf ekki að vera flókin, oft felst styrkurinn einmitt í hinu einfalda. Yfir daginn fléttum við saman fræðslu, mjúkri hreyfingu, öndunaræfingum, núvitund, nærandi mat, vinnustofum og samveru. Við gefum okkur rými til að hægja á, beina athyglinni inn á við og skoða hvað það er sem raunverulega nærir okkur, bæði líkamlega, andlega og félagslega.

Dagskráin fer fram í fallegu umhverfi Sólheima og er leidd af okkur Evu Rós, Eddu og Þórhöllu, sem koma úr ólíkum faglegum áttum innan jógafræða, næringarfræði, sálfræði og taugavísinda. Með fræðslu, hreyfingu, öndunaræfingum, núvitund og samveru könnum við leiðir til að efla tengslin við okkur sjálf, fólkið í kringum okkur og þær grunnþarfir sem stuðla að heilsu og góðri líðan.